Shqip
English
Në kuadër të vitit të Skënderbeut dhe me rastin e 550 vjetorit të vdekjes së Heroit tonë kombëtar Gjergj Kastrioti Skënderbeu, Ambasada nderoi me "Certifikaten e Mirënjohjes për kontribute të veçanta" , Prof.Astrit Leka, ideatorin dhe organizatorin e vendosjes së bustit të Skënderbeut në qytetin e Gjenevës.
Në ceremoninë e organizuar me këtë rast në ambjentet e ambasadës, merrnin pjesë ambasadorja e Republikës së Kosovës në Bernë, znj. Nazane Breca, i Ngarkuari me Punë i Republikës së Maqedonisë, z. Rafet Hajdari, përfaqëues të komunitetit shqiptar në Zvicër, përfaqësues të medias etj.
Gjatë fjalës përshëndetëse, ambasadori i Republikës së Shqipërisë në Zvicër, z.Ilir Gjoni, vlerësoi kontributin e Prof. Astrit Leka jo vetëm në Shqipëri dhe në Zvicër, por edhe më gjerë, që ka shërbyer dhe ndihmuar në promovimin e vlerave historike të vendit tonë.
