Shqip
English
Ambasadori i RSH-së në Bernë, z.Ilir Gjoni, sot (16.06.2022) pati një takim të frytshëm e konstruktiv me Drejtorin e Përgjithshëm të UPU, z. Masahiko Metoki dhe zv/Drejtorin e Përgjithshëm, z. Marjan Oswald, me të cilët diskutoi për bashkëpunimin mes Postave Shqiptare dhe UPU, modernizimin e kapaciteteve dhe krijimin e flotës së gjelbër të transportit postar, realizuar përmes një ndihmë prej 500 mijë USD nga ana e UPU, si dhe mundësive të tjera për bashkëpunim, sidomos në modernizimin e shërbimeve të Postës Shqiptare në shërbim të qytetareve duke u ofruar atyre shërbime postare e financiare, moderne digjitale.
Posta shqiptare është ndër institucionet e para anëtare të Unionit Postar Universal dhe këtë vit mbushen plot 100 vjet anëtarësi në UPU. Viti i ardhshëm shënon 110 vjetorin e emetimit të pullës së parë shqiptare dhe për këtë, Ambasadori Gjoni u dakordësua me z. Metoki që të organizojnë në mjediset e UPU një ekspozitë të pullës shqiptare gjatë këtyre 110 viteve.
