Ndër veprimtaritë e organizuara nga ana jonë, në ambientet e KPU-së, kjo e 1 qershorit, me rastin e Ditës Ndërkombëtare të Fëmijëve ishte më e dëlira, më emocionuesja, më fisnikja. Mes filloristëve të shkollave të Ulqinit, Anës së Malit, Krajës, e Shtojit atmosfera e krijuar koncertale e zbavitëse nuk solli vetëm hare e gëzim fëminor, por hodhi gjithashtu farëra të mbjelljes dhe kultivimit të mëtejshëm të atdhedashurisë.