Më 23 korrik 2025, Ambasadori i Republikës së Shqipërisë në SHBA, z. Ervin Bushati, zhvilloi një takim me z. Bret Alden Clesi në mjediset e Konsullatës së Nderit të Shqipërisë në New Orleans, ku i përcolli zyrtarisht riemërimin dhe rinovimin e kredencialeve të tij si Konsull Nderi i Republikës së Shqipërisë, të miratuara nga Departamenti amerikan i Shtetit.

Z. Clesi, pasardhës i denjë i arbëreshëve dhe përfaqësues i dalluar i komunitetit shqiptar në Luiziana, ka dhënë një kontribut të çmuar në forcimin e marrëdhënieve dypalëshe Shqipëri–SHBA dhe në promovimin e trashëgimisë shqiptare në Shtetet e Bashkuara.

Rinovimi i mandatit të tij përbën një vlerësim për përkushtimin e pandërprerë dhe një shtysë të mëtejshme për forcimin e rolit të diasporës në diplomacinë publike të Shqipërisë.