FALENDEROJME të gjithë pjesëmarrësit që morën pjesë , personalitetet e qeverisë bullgare si Zv/Ministrja e Jashtme e Bullgarisë zj.Elena Shekerletova dhe Zv/Ministrin e Mbrojtjes z.Radostin Iliev, Ambasadorë dhe pjesëtarë të trupit diplomatik, personalitete të fushës së artit/kulturës/biznesit nga Bullgaria, anëtarë aktivë nga komunitetit shqiptar që jeton në Bullgari si dhe Kantina FABA për verën e shkëlqyer! Ky aktivitet u zhvillua në vijim të tre aktiviteteve tona në kuadër të 80 vjetorit të Çlirimit të vendit, i cili përkon edhe me 15 vjetorin e anëtarësimit në NATO dhe shpalljen e vitit 2024 si Viti i Gjuhës Shqipe. Ambasadorja Inid Milo në fjalën e saj përshëndetëse tek Festa e Pavarësisë, theksoi rëndësinë e Ditës së Pavarësisë për popullin tonë, duke reflektuar kurajon, qëndresën dhe shpirtin e paepur të baballarëve të kombit tonë që hodhën themelet për Shqipërinë që njohim sot, një vend i karakterizuar nga trashëgimia  e pasur kulturore, traditat e pasura dhe etja për përparim dhe zhvillim.