Ambasadorja Artemis Malo mori pjesë në eventin e lançimit të Javës së Mirëseardhjes së Otavës 2025 (WOW), të organizuar nga Z. Mark Sutcliffe, Kryetar i Bashkisë së Qytetit të Otavës, dhe Partneriteti Lokal i Imigracionit të Otavës (OLIP).

Në këtë pritje mëngjesi, u diskutua për rëndësinë e kapaciteteve mikpritëse të qytetit në një periudhë të vështirë ekonomike dhe politike, si dhe për rolin që Otava luan si një vendbanim mikpritës për ata që vijnë nga kultura të ndryshme.

Një nga veçoritë e kësaj pritjeje ishte pjesëmarrja e folësve të shquar, të cilët diskutuan temën “Otava – Kanadaja që Duam” dhe sfidat me të cilat qyteti dhe vendi përballen në këto kushte globale.

Eventi u përmbyll me Ceremoninë e Dhurimit të Çmimeve Vjetore të Ambasadorit të Mirëseardhjes së Otavës për vitin 2025, që nderon ata individë dhe organizata që kontribuojnë në mikpritjen dhe forcimin e lidhjeve ndërkombëtare.

WOW 2025 shërbeu si një mundësi për të theksuar rolin e qytetit në promovimin e shumëllojshmërisë kulturore dhe mbështetje për imigracionin, duke forcuar më tej pozitat e Otavës si një qytet tolerant dhe gjithëpërfshirës.