Shqip
English
Më datë 17 dhjetor 2022, në Montreal, u zhvillua Seanca Plenare e COP-15 dedikuar biodiversitetit, në të cilin mori pjesë znj. Mirela Kumbaro, Ministre e Turizmit dhe Mjedisit shoqëruar nga Ambasadori i Shqipërisë në Kanada z. Ermal Muça. Në fjalën e saj, Ministrja Kumbaro u shpreh mbi angazhimin e qeverisë shqiptare në rritjen e sipërfaqes së zonave të mbrojtura në 21.3 % të territorit, mbi projektin e mbrojtjes së Vjosës, lumi i fundit i egër në Europë dhe parku i parë kombëtar i tillë, si edhe mbi mbështetjen e iniciativës më të fundit të Organizatës Botërore të Turizmit dhe Aleancës së Mikpritjes së Qëndrueshme për një qasje të re në sektorin e turizmit: atë të turizmit miqësor ndaj natyrës.
