Shqip
English
Keto ditë në qytezën Varde të Danimarkës u organizua ceremonia e promovimit të librit Født til at leve livet e autorit Bjarne Zuccé Dinesen. Ceremonia u zhvillua në një nga sallat e hotel Arnbjerg dhe në të ishin të pranishëm rreth 160 pjesëmarrës.
Në ceremoni ishte e pranishme edhe familja Sheshi nga Fieri, pasi vajza e tyre Laura Sheshi ishte bashkëautore e librit. Merrnin pjesë personalitet danezë të kulturës dhe të artit, mjaft të rinj dhe të reja studentë, autoritetet lokale të Vardes, miq e dashamirës të shumtë.
Libri i dalë nga shtypi këto ditë, prej 400 faqesh është një përmbledhje e shkrimeve të 24 studentëve danezë (mes tyre edhe studentja shqiptare nga Fieri, Laura Sheshi) me përshtypjet dhe mbresat e secilit prej tyre gjatë vizitës dy javore gjatë verës së fundit në Shqipëri. Libri ilustrohet gjithashtu edhe me shumë foto të realizuara gjatë vizitave në qytete dhe zona të ndryshme të Shqipërisë kryesisht të asaj qendrore (Tiranës dhe Elbasanit), Lindore (Pogradec, Korcë, Leskovik), Jugore (Gjirokastër, Sarandë, Vlorë Fier, Berat)
