Shqip
English
Të dashur bashkëkombas me banim në Danimarkë dhe Skandinavi,
Të dashur miq të Shqipërisë dhe të shqiptarëve,
Kam kënaqësinë t’Ju bëj me dije se sot, në orën 21:00, në Arenën e qytetit të Malmös ku mbahet Eurovision 2013, Shqipëria do të përfaqësohet me këngën e bukur “Identitet„ të kënduar nga Adrian Lulgjuraj & Bledar Sejko, të kompozuar nga Bledar Sejko, me tekst të Eda Sejkos.
http://www.eurovision.tv/page/history/year/participant-profile/?song=29563. Kjo këngë përfaqëson jo vetëm Shqipërinë në këtë Festival Evropian të këngës, por të gjithë shqiptarët, kudo ku ata jetojnë dhe të gjithë miqtë dhe dashamirësit e tyre. Kjo këngë, dhe artistët që do të interpretojnë përfaqësojnë sot në sytë e Evropës por edhe të mbarë Botës, në këtë gjysëm-finale të rëndësishme flamurin shqiptar, kombin, historinë, traditën, kulturën tonë të lashtë dhe të re.
Ata janë sot simboli i bashkimit të dëshirës sonë të madhe për t’u përfaqësuar denjësisht në këtë ngjarje të madhe evropiane. Por nuk mjafton vetëm kaq. Ata kanë nevojë për mbështetjen tonë dhe të të gjithë juve që, sot do të shikoni me dashuri, mall, krenari, pse jo edhe me ankth flamurin shqiptar të ngrihet në mes të Malmös shoqëruar me tingujt e këngës së bukur “Identitet„. Gjatë atyre tre minutave të rëndësishme “Identitet„ lartësohet si kënga-himn e mbarë shqiptarëve.
Prandaj të dashur miq u bëj thirrje të mbështesim duke votuar masivisht këngën tonë përfaqësuese në Eurosong, sot në orën 21:00.
Miqësisht,
Arben Cici
Ambasador
