Shqip
English
Të dashur bashkëkombas me banim në Danimarkë dhe Skandinavi,
Të dashur miq të Shqipërisë dhe të shqiptarëve,
Dëshiroj t’ju bëj me dije se këngëtari i talentuar shqiptar me banim në Danimarkë, Jimilian Ismaili është nominuar zyrtarisht nga Danimarka në European MTV Music Awards 2013 në “Best Danish Act”: http://dk.mtvema.com/stem#cat=best-danish-act
Nata finale do të mbahet në Amsterdam, më 10 nëntor 2013 ku do të vendosen fituesit e këtij aktiviteti muzikor me fame botërore. Jimiliani ka nevojë të mbështetet prej nësh. Ai ka nevojë për votën tonë, për votën e cdo shqiptari që ndihet krenar për suksesin e tij. Jimiliani duhet të votohet prej nesh dhe prej të gjithë miqve dhe dashamirësve tanë sepse rruga e tij drejt European MTV Music Awards 2013 është rruga e një shqiptari të talentuar për të cilin duhet të ndihemi të gjithë krenarë.
Jimiliani ka lindur në Laç në vitin 1994. Familja e tij ka ardhur në Danimarkë në vitin 2000 ku së bashku me vëllain e madh Besmirin kanë filluar të merren me muzikë dhe të këndojnë. Këta dy djem janë fëmijët e Enver Ismailit, njërit prej këngëtarëve binjakë që u bënë të njohur me këngën me motive kosovare kënduar në Festivalin e Gjirokastrës të vitit 1983 "Jem’ dy vllazen, dy binjakë".
Jimiliani ishte vetëm dhjetë vjeç kur me një këngë me tekst të vëllait të tij Besmirit arriti të futej në festivalin e talenteve të reja në Kopenhagë. Debutimi i tyre zuri vendin e dhjetë, çka përbënte një sukses të madh për atë kohë.
Veprimtaria e tyre muzikore sot menexhohet nga kompania më e madhe në botë SONY.
Jimiliani ka sot 30 milion klikime në këngët e tij në YouTube. Ai është një ndër këngëtarët më të dashur të muzikës daneze dhe ylli më i ri i muzikës së këtij vendi.
Miqësisht,
Arben Cici
Ambasador
