Ambasadorja e Republikës së Shqipërisë në Greqi, znj. Luela Hajdaraga, mirëpriti në një takim në ambientet e Ambasadës shoqatën qëndrore “Shqipëria”, të kryesuar nga z. Ilirian Dhima.

Gjatë këtij takimi, u diskutua mbi veprimtarinë e deritanishme të shoqatës, me synim promovimin e kulturës dhe identitetit shqiptar në Greqi, si dhe forcimin e urave të bashkëpunimit mes Ambasadës dhe komunitetit shqiptar. Gjithashtu, u shkëmbyen ide për planifikimin e aktiviteteve të ardhshme.

Ambasadorja Hajdaraga vlerësoi angazhimin e shoqatës për ruajtjen dhe promovimin e vlerave kombëtare dhe theksoi gatishmërinë e Ambasadës për të mbështetur projekte që nxisin harmoninë dhe bashkëpunimin midis komuniteteve. Ajo sugjeroi gjithashtu mundësinë e organizimit të aktiviteteve të përbashkëta, si një hap konkret drejt forcimit të marrëdhënieve dhe promovimit të vlerave kulturore shqiptare në Greqi.