Dokumentari i skenaristes 𝐀𝐧𝐱𝐡𝐞𝐥𝐢𝐧𝐚 𝐗𝐡𝐚𝐫𝐚 “𝑇𝑎𝑠ℎ𝑘𝑜 & 𝐾𝑜𝑐̧𝑜, 𝑛𝑗𝑒̈ ‘𝑙𝑜𝑣𝑒 𝑠𝑡𝑜𝑟𝑦’ 𝑠ℎ𝑞𝑖𝑝𝑡𝑎𝑟𝑒” i shfaqur në ambientet e Ambasadës së Republikës së Shqipërisë në Athinë, solli më afër publikun me historinë e jashtëzakonshme të dy korifejve të muzikës klasike shqiptare, që kanë lënë një trashëgimi të paharrueshme në kulturën tonë. Anxhelina Xhara, një figurë shumëdimensionale dhe për një periudhë të gjatë pjesë e komunitetit shqiptar në Greqi, i dhuroi të pranishmëve një vepër me një narrativë të thellë e prekëse, duke ndërthurur me mjeshtëri momentet intime dhe ato historike në një rrëfim të qartë, kuptimplotë dhe emocional.

Skenaristja vlerësoi znj. Eliverta Radomi, Ministër-Këshilltare e Ambasadës, për mbështetjen dhe vëmendjen e treguar ndaj këtij projekti, si dhe për kujdesin në balancimin e narrativës personale me sfondin kulturor dhe shoqëror, duke bërë të mundur që audienca të ndiejë një lidhje të sinqertë dhe të thellë me rrëfimin.

Në shenjë mirënjohjeje për organizimin e këtij eventi, të kushtuar prindërve të tij, dirigjenti i njohur 𝐄𝐧𝐨 𝐊𝐨𝐜̧𝐨 i dhuroi Ambasadores znj. Luela Hajdaraga albumin e tij të veçantë, kushtuar legjendave të muzikës shqiptare.

Filmi u vlerësua nga kritikë arti, artistë dhe miq të znj. Xhara, të cilët theksuan se ajo mbetet një nga penat më të spikatura të dokumentarit shqiptar, duke sjellë në këtë krijim një mesazh të fuqishëm dashurie, sakrifice dhe historish personale që thellojnë kuptimin e jetës dhe të trashëgimisë kulturore.