Ambasadorja e Republikës së Shqipërisë në Greqi, znj. Luela Hajdaraga, zhvilloi një takim kortezie me Ambasadorin e ri të Mbretërisë së Spanjës, z. Jorge Domecq.

Gjatë takimit, të dy Ambasadorët vlerësuan marrëdhëniet shumë të mira mes Shqipërisë dhe Spanjës, si dhe ecurinë pozitive të bashkëpunimit dypalësh, në fusha me interes të përbashkët. Në veçanti, u theksua mbështetja e vazhdueshme që Spanja i ka dhënë Shqipërisë në rrugën drejt integrimit në Bashkimin Evropian.