Ambasadorja e Republikës së Shqipërisë në Greqi, znj. Luela Hajdaraga, priti në një takim kortezie znj. Jela Vuletić Manthou, Chargé d’Affaires e Ambasadës së Malit të Zi në Greqi.

Gjatë takimit u vlerësuan marrëdhëniet shumë të mira mes Shqipërisë dhe Malit të Zi, si dy vende fqinje dhe mike, në aspektin bilateral, rajonal dhe më gjerë. Gjithashtu, bashkëbisedueset shkëmbyen mendime mbi sfidat dhe perspektivën e përbashkët të të dy vendeve në kuadër të procesit të integrimit evropian, duke vlerësuar arritjet e deritanishme dhe ecurinë e mëtejshme.