Ambasada e Republikës së Shqipërisë në Greqi ka kënaqësinë të njoftojë inaugurimin e ekspozitës personale të piktorit të njohur Foti Kllogjeri, me titull “Nuk jam ajo që sheh” (Δεν είμαι αυτό που βλέπεις).

Ekspozita organizohet nën kujdesin e Ambasadës së Republikës së Shqipërisë në Athinë dhe prezanton një udhëtim emocional e vizual përmes veprave të artistit, ku arti shndërrohet në interpretim, mesazh dhe reflektim. Teksti kuratorial mban firmën e Paris Kapralos.

Inaugurimi do të zhvillohet më të enjten, më 6 nëntor 2025, nga ora 17:30 deri në 22:30, në Technohoros Art Gallery, Lebesi 12, Athinë (stacioni i metrosë “Akropoli”).

Ekspozita do të qëndrojë e hapur për publikun nga 6 deri më 29 nëntor 2025, sipas orarit:

– E martë, e enjte, e premte: 12:00 – 20:00
– E mërkurë, e shtunë: 10:00 – 18:00
– E diel & e hënë: Mbyllur

Për më shumë informacion, ju lutemi vizitoni: www.technohoros.org.