Në kuadër të ditës botërore të poezisë, në Ambasadën e Shqipërisë në Athinë u promovua libri “Jemi bashkë. Me Shqiptarët e Greqisë” i Namik Selmanit, në bashkëpunim me Shoqatën “Vëllazërimi”.
Ambasadorja Luela Hajdaraga vlerësoi kontributin e komunitetit shqiptar në Greqi dhe falënderoi autorin për pasqyrimin e historive frymëzuese të tyre. Autori Selmani e cilësoi librin si një homazh për shqiptarët që ruajnë kulturën dhe identitetin e tyre.
Për librin referuan Niko Curri, Pjerin Lleshi, Xhina Kapaj dhe Kosta Stathi.
Aktiviteti u mbyll me një interpretim nga grupi polifonik “Vëllazërimi”, mes artistëve, gazetarëve dhe miqve të autorit.
