Në kuadër të Ditës Ndërkombëtare të Gruas, Ambasadorja e Republikës së Shqipërisë në Greqi, znj. Luela Hajdaraga, mori pjesë në takimin e organizuar nga Ministrja e Turizmit të Greqisë, znj. Olga Kefalojani, dhe Presidenti i Dhomës Greke të Hoteleve, z. Aleksandros Vasilikos, në ambientet e Muzeut të Arteve Kikladite.
Në fokus të takimit ishte roli i gruas në shoqëri dhe kontributi i saj në ekonomi, veçanërisht në sektorin e turizmit.
Ambasadorja Hajdaraga u shpreh se gratë kanë një ndikim të madh në zhvillimin e qëndrueshëm të turizmit, jo vetëm si profesioniste dhe sipërmarrëse, por edhe si mbrojtëse të identitetit kulturor dhe natyror të vendeve të tyre. Gjithashtu, znj. Hajdaraga nënvizoi rëndësinë e fuqizimit të rolit të gruas në industrinë e turizmit, duke siguruar më shumë mundësi për edukim, punësim dhe përfaqësim në pozicione drejtuese.
Pas takimit, të ftuarit ndoqën një guidë në ekspozitën “Kikladitisses: Histori të pathëna të grave në Kikladhes”
