Ambasadorja e RSH-së në Greqi, znj. Luela Hajdaraga mori pjesë në ceremoninë e hapjes së Food Expo 2025 në Athinë, një eveniment që mbledh çdo vit personalitete publike e private, grekë dhe të huaj të sektorit primar të ekonomisë. Në Food Expo 2025, panairin kryesor tregtar të ushqimeve dhe pijeve në Evropën Juglindore u ekspozuan më shumë se 50,000 produkte të shkëlqyera nga e gjithë bota, me pjesëmarrjen e mbi 1,300 ekspozuesve nga e gjithë bota.

Shqipëria u përfaqësua me dinjitet në këtë panair prestigjioz, nëpërmjet stendës së saj të 𝐀𝐠𝐣𝐞𝐧𝐜𝐢𝐬𝐞̈ 𝐬𝐞̈ 𝐙𝐡𝐯𝐢𝐥𝐥𝐢𝐦𝐢𝐭 𝐭𝐞̈ 𝐈𝐧𝐯𝐞𝐬𝐭𝐢𝐦𝐞𝐯𝐞 𝐒𝐡𝐪𝐢𝐩𝐭𝐚𝐫𝐞- 𝐀𝐈𝐃𝐀 dhe 6 kompanive prodhuese shqiptare të sektorit të ushqimit dhe pijeve, të cilët prezantuan produktet e tyre “Made in Albania”.

Gjithashtu, 30 vizitorë profesionistë (Hosted Buyers) nga Shqipëria dhe 45 nga Kosova, përfaqësues të kompanive që operojnë në industrinë ushqimore, si rrjetet më të mëdha të super marketeve dhe të shpërndarjes, patën mundësinë e pjesëmarrjes në këtë panair, mundësuar nga përfaqësuesja shqiptare e Panairit për tregun e Ballkanit, Rumming Idea.

Ky eveniment është një mundësi e shkëlqyer për të promovuar potencialin e industrisë shqiptare të ushqimit dhe për të forcuar lidhjet ekonomike dhe tregtare me partnerët ndërkombëtarë.