Shqipëria dhe Hungaria kanë nënshkruar dy marrëveshje bashkëpunimi dhe kanë shprehur gatishmërinë e tyre për ta thelluar edhe më shumë bashkëpunimin dhe investimet hungareze në Tiranë.
Një marrëveshje në fushën e bujqësisë dhe një tjetër në atë të administratës publike u nënshkruan gjatë një vizite pune të delegacionit shqiptar të kryesuar nga Kryeministri Rama.
Pjesë e delegacionit ishin: Anila Denaj, Ministre e Bujqësisë dhe Zhvillimit Rural, Adea Pirdeni, Ministre e Shtetit për Administratën Publike dhe Kundër Korrupsionit si dhe Blerta Rama, Zëvendës Ministre e Ekonomisë, Kulturës dhe Inovacionit. Pjesë e programit zyrtar ishin takimet dypalëshe me homologët hungarezë si dhe një drekë gala me pjesëmarrjen e 40 liderëve të kompanive dhe organizatave që operojnë apo janë të interesuara për të investuar në Shqipëri.