Shqip
English
Ambasada e RSH në Izrael i uron komunitetit shqiptaro-hebre në Izrael, në Shqipëri dhe të gjithë hebrenjve kudo në botë Gezuar Vitin e Ri 5782!
Rosh Hashanah në Izrael është një nga periudhat më të veçanta dhe kuptimplota të vitit - Gëzuar vitin e ri atyre që festojnë! Viti i Ri hebre/ Rosh Hashanah zakonisht bie gjatë shtatorit ose fillimit të tetorit. Rosh Hashanah është një festë dy-ditore e cila feston fillimin e vitit të ri sipas kalendarit hebre. Bizneset në të gjithë Izraelin do të mbyllen në të dy ditët. Kete vit, Rosh Hashanah do të fillojë në perëndim të diellit më 6 shtator dhe do të përfundojë në perëndim të diellit më 8 shtator.
Nëse jeni në Izrael gjatë festës Rosh Hashanah, një nga mënyrat më të mira për të përjetuar festën është duke vizituar një sinagogë për të dëgjuar lutjet. Hebrenjtë ndjekin shërbime mjaft të gjata të sinagogës dhe recitojnë lutje të veçanta dhe këngë liturgjike të shkruara gjatë shekujve.
