Ne duhet të kuptojmë të kaluarën në mënyrë që ajo të mos përsëritet. Bashkohuni me fushatën WeRemember për Ditën e Përkujtimit të Holokaustit. Ne jemi krenarë për përpjekjet e jashtëzakonshme të kombit shqiptar për të shpëtuar të gjithë hebrenjtë e tij gjatë Luftës së Dytë Botërore.

Fushata WeRemember është nisur nga WJC të enjten në prag të Ditës Ndërkombëtare të Përkujtimit të Holokaustit më 27 janar.

Në datën 29 Dhjetor 2021, hyri në fuqi Konventa për Shmangien e Taksimit të Dyfishtë dhe evazionit fiskal ndërmjet Shqipërisë dhe Izraelit.

Me anë të kësaj Konvente, Shqipëria dhe Izraeli dakordësohen për shmangien e taksimit të dyfishtë dhe parandalimin e evazionit fiskal në lidhje me tatimin mbi të ardhurat për individët dhe bizneset.

Përfaqësia jonë mori pjesë në aktivitetin e organizuar me rastin e 20 vjetorit të krijimit të IsraAid, organizatë humanitare izraelite. Me këtë rast, drejtuesit e IsraAid pasi ekspozuan veprimtarinë e kësaj organizate përgjatë 20 viteve, 89 misioneve të tyre humanitare në botë, programeve të zhvillimit në vendet në krizë apo të goditur nga katastrofa natyrore etj, falenderuan qeverinë shqiptare për bashkëpunimin në misionin humanitar për shpëtimin e 125 afganëve dhe strehimin e tyre në Shqipëri.

Takim i rëndësishëm  me Gidi Grinstein, themeluesin e TOM/Tikkun Olam Makers, një organizatë jofitimprurëse globale që ndihmon personat me aftësi të kufizuara, të moshuarit dhe të varfërit, si dhe me NadavYesot dhe CarlyMaiser, me qëllim për të marrë prej tyre informacione dhe përditësime në kohë reale mbi zgjidhjet inovative që propozojnë si dhe për të eksploruar mundësitë për t'i sjellë këto produkte që lehtësojne jetën e personave me aftësi të kufizuara, në Shqipëri!