Universiteti “Luarasi” ka nënshkruar marrëveshjen me një ndër kompanitë më prestigjoze në Izrael në fushën e Sigurisë Kombëtare, kibernetikës dhe teknologjisë për të krijuar Akademinë e parë të Sigurisë Kibernetike në Shqipëri. 
Pas kontakteve me Perfaqesine tone, Drejtuesit kryesorë të ekipit të ekspertëve kanë shkëmbyer informacionin e nevojshëm me Rektorin e Universitetit ‘Luarasi’, Prof.Dr. Ethem Ruka dhe ekipin e tij drejtues. Bashkëpunimi u finalizua date 28 dhjetor 2020  në një marrëveshje midis dy institucioneve.
 

Sot zhvilluam në Përfaqësi një takim me z. Robert Singer, CeO i Jewish Impact, një nga figurat më në zë i organizatave lobuese amerikano hebreje, ish drejtues i WJC/World Jewish Congress.

Z. Singer, ishte iniciatori dhe organizatori i Forumit Ballkanik për Antisemitizmini, organizuar në partnership me Kuvendin e RSH, mbajtur virtualisht në Tetor 2020, me pjesëmarrjen e shumë figurave të larta politike ku përmendim Sekretarin Pompeo, Presidentin e EP, Sassoli etj

Ambasadori Canaj u takua sot me Z. N.Rinot përfaqësues të BIG Business Group, për të diskutuar hapat e mëtejshëm në investimet e rëndësishme komunitare dhe infrastrukturore vecanerisht projektet investuese Izraelite në qytetin e Vlorës. BIG Bussines Group është një kompani e rëndësishme lider qe investon në pasuri të paluajtshme, investime në infrastrukturë, resorte turistike në Izrael, Evropë, SHBA dhe gjithashtu në vendet e Ballkanit si Serbia dhe Mali i Zi.

Drejtorja e AJC/Jerusalem, Avital Leibovich organizoi nje takim virtual me Ambasadoret e Ballkanit te akredituar ne Izrael ku prezantoi analizen e saj mbi zgjedhjet presidenciale ne SHBA dhe implikimet e pritshme per Izraelin dhe rajonin e Lindjes se Mesme.