Kuvendi i Shqipërisë miratoi date 22 Tetor 2020 rezolutën “Për miratimin e përkufizimit të përdorshëm për antisemitizmin, përcaktuar nga Aleanca Ndërkombëtare për Përkujtimin e Holokaustit”, propozuar nga Kryetari i Grupit Parlamentar të Partisë Socialiste, Taulant Balla, dhe deputetja Blerina Gjylameti.
Rezoluta mbështetet në përcaktimin e kësaj Aleance, e cila bashkon qeveritë dhe ekspertët për avancimin e vlerave që përkujtojnë Holokaustin, sipas deklaratës së Stokolmit të vitit 2000.

Ambasadori Canaj u takua date 19 Tetor në Knesset, me Nën-Kryetarin e Knesset dhe njëherazi kryetar i Grupit parlamentar të Miqësisë, Izrael-Shqipëri, z. Hamed Amer. Në takim ishin të pranishëm Shai Cohen, Këshilltari diplomatik i Kryetarit të Parlamentit dhe  zv/Drejtori i Marrëdhënieve me Jashtë,  Dror Jaffe. Ambasadori Canaj falenderoi për ftesën dhe uroi z. Amer për rizgjedhjen e tij në postet e mësipërme.

Ambasadori Canaj zhvilloi nje takim me drejtuesin e kompanise izraelite Nimrod Yaron &Co Israeli and International Taxation, gjate te cilit u diskutua rreth menyrave te bashkepunimit per te lehtesuar procedurat e taksave per bizneset dhe investitoret e interesuar per te hyre ne tregun izraelit dhe ate shqiptar. Shqiperia dhe Izraeli, gezojne nje bashkepunim ne rritje ne fushat e bujqesise, turizmit, investime ne infrastrukture, call center etj.

Viti i Ri Hebraik Rosh Hashanah 5781 bëri bashkë në një konferencë kryetarët e grupeve parlamentare të miqësisë me Izraelin nga e gjithë bota, pjesë e së cilës ishte edhe deputetja e Partisë Socialiste, Blerina Gjylameti, kryetarja e Grupit Parlamentar të Miqësisë Shqipëri-Izrael.
“Shqipëria dhe Izraeli kanë rrënjët e një miqësie historike nga e cila ka buruar një simbiozë përkrahjeje dhe kapërcime sfidash të përbashkëta. Partneriteti nga viti në vit konsolidohet”, shkruan Gjylameti në rrjetet sociale, duke uruar: “Gëzuar Vitin e Ri Hebraik Rosh Hashanah 5781!”