Miratim unanimisht i Përkufizimit të Përdorshëm për Antisemitizmin të Përcaktuar nga Aleanca Ndërkombëtare për Përkujtimin e Holokaustit

Miratim unanimisht i Përkufizimit të Përdorshëm për Antisemitizmin të Përcaktuar nga Aleanca Ndërkombëtare për Përkujtimin e Holokaustit

 

Rektori i Universitetit "Ismail Qemali"Prof. Dr. Roland ZISI, pershendet me poshte miratimin e perkufizimit per Antisemitizmin, nga ana e institucionit qe ai drejton. Robert Singer, Drejtori i Qendres per Impaktin Hebre, vlereson ne letren si vijon, rolin e Universitetit Ismail Qemali, ne miratimin e ketij perkufizimi.

Nën cilësinë e Rektorit të Universitetit “Ismail Qemali”, Vlorë kam kënaqësinë tju bëj me dije se, më datë 07.12.2020 Senati Akademik, si organi kolegjial më i lartë i Institucionit, me Vendim Numër 111, miratoi unanimisht Përkufizimin e Përdorshëm për Antisemitizmin të Përcaktuar nga Aleanca Ndërkombëtare për Përkujtimin e Holokaustit në seancën plenare zhvilluar në Bukuresht në datën 26 maj 2016 sipas të cilit: “Antisemitizmi është një perceptim i caktuar për hebrenjtë, i cili mund të shprehet si urrejtje ndaj hebrenjve. Manifestimet retorike dhe fizike të antisemitizmit drejtohen ndaj individëve hebrenj ose jo hebrenj dhe/ose ndaj pronës së tyre, ndaj institucioneve dhe objekteve fetare të komunitetit hebraik”.

Miratimi i këtij përkufizimi vjen në vazhdën e traditës së mbështetjes dhe rolit të veçantë të qytetit të Vlorës në krijimin e dimensioneve dhe hapsirave për hebrenjtë, duke i mbrojtur dhe strehuar specifikisht gjatë holokaustit, si dhe të parimeve të Universitetit “Ismail Qemali”, Vlorë, në edukimin dhe orientimin e brezave të rinj drejt vlerave të bashkëjetesës, tolerancës dhe të drejtave të njeriut.

Universiteti “ Ismail Qemali” e cilëson përdorimin e këtij përkufizimi, si një instrument orientues gjatë veprimtarisë së tij, një hap të rëndësishëm në luftën globale kundër antisemitizmit dhe kërcënimeve ndaj vlerave liberale demokratike.

Ndihemi të nderuar, që mund të cilësohemi Institucioni i Parë i Arsimit të Lartë në Republikën e Shqipërisë, si dhe të renditemi në krahë të Universiteteve Ndërkombëtare të 24 vendeve të Europës që kanë adaptuar tanimë këtë përkufizim jetësor dhe mirëkuptues, duke dëshmuar edhe një herë angazhimin e UV-së në ndëmarrjen dhe rritjen e masave sensiblizuese dhe edukative kundër ekstremizmit të dhunshëm, manifestimit të intolerancës dhe diskriminimit duke përfshirë edhe antisemitizmin.

 

Adresa

Ambasada Shqiptare
Laz-Rom Building, 11 Tuval Street,
Ramat Gan 5252226, Israell

Tel / Fax

Tel: 00972 03-5465866
Fax: 00972 03-6883314
Cel: 00972 (0) 54 904 2813
Nr. i emergjences: 00972 (0) 54 904 2813

E-MAIL

embassy.telaviv@mfa.gov.al

Orari zyrtar

E Diel - E Enjte
9:00- 17:00