Ministria e Jashtme dhe Ministria e Shëndetësisë izraelite organizuan sot takimin on-line me trupin diplomatik të akredituar në Izrael, me qëllim njohjen e tyre me strategjinë e Vaksinimit të shtetit të Izraelit.

Në këtë takim morën pjesë mbi 150 diplomatë dhe përfaqësues të organizatave ndërkombëtare me seli në Izrael.

Prezantimi i Fushatës së Vaksinimit në Izrael u be nga nga Dr.Asher Salmon, Drejtor i Marrëdhënieve Ndërkombëtare në Ministrinë e Shëndetësisë dhe një nga figurat kyce në Izrael, përgjegjës për situatën Covid-19:

Fushata ndërgjegjësuese filloi që në dhjetor 2020, duke e bëre Izraelin nga vendet e para të fillimit të vaksinimit në masë të popullatës. Fushata komunikuese me publikun përfshiu transparencen mbi mënyrën e sigurimit të vaksinës, ruajtjes së saj dhe shpjegimin e të gjithë zinxhirit të procesit të vaksinimit nga prodhuesi i vaksinës e deri tek personi i vaksinuar.

Serioziteti për sigurimin në fazat më të hershme të vaksinës, përpara cdo vendi tjetër, dhe fillimi i fushatës ndërgjegjësuese mediatike mbi rëndësinë e vaksinimit, njohjes me zinxhirin e procesit që nga prodhuesi e deri tek përfituesi i vaksines, duke marrë në konsideratë dhe sistemin elektronik të dixhitalizuar të popullatës së regjistruar, gjë e cila e lehtëson shumë bërjen e vaksinës pa krijuar konfuzion tek publiku,… rezultuan në menaxhimin me sukses të vaksinimit në masë të popullatës.