Shqipëria ka shumë bukuri natyrore e kur ta vizitoni atë, do të thoni: pse kaq shumë për ta mësuar këtë fakt.

Shqipëria vuajti periudhën e një mbylljeje të gjatë të sistemit komunist, deri më 1991, e për këtë arsye ajo nuk ishte shumë e njohur. Por tani që kjo periudhë ka kaluar, Shqipëria më në fund po pasqyron çka gjithmonë ka ekzistuar: site të harruara arkeologjike, fshatra ku koha duket se ka ndaluar, monumente historike të perandorisë romake e asaj osmane, jo më pak plazhet e bukur të bregdetit jugor, të cilët i gjeni shpesh edhe në guidat e revistat më prestigjioze, si Lonely Planet, The New York Times, etj..

Shqipëria shtrihet në Evropën Juglindore, në Perëndim të Gadishullit Ballkanik, me një sipërfaqe prej 28.748 km2, me gjatësi të vijës kufitare 1094 km, nga të cilat 657 km janë vijë kufitare tokësore dhe 316 km vijë bregdetare, si dhe 48 km janë vijë ndarëse e lumenjve dhe 73 km e liqeneve.

Shqipëria kufizohet në jug dhe jug-lindje me Greqinë, në veri me Malin e Zi, në perëndim me Italinë, më të cilën ndahet nga deti Adriatik dhe deti Jon, në lindje me Maqedoninë dhe në veri-lindje me Kosovën, i cili është eshë shteti i dytë në rajonin e Ballkanit me popullsi më të madhe shqiptarësh.

Tirana është zemra e Shqipërisë, kryeqyteti i saj, ku shpresat dhe ëndrrat në këtë vend të vogël rriten çdo ditë e më shumë së bashku me mirëqenien dhe argëtimin e papenguar. Qendra e këtij qyteti, karakterizohet nga ndërtesat e reja e të larta dhe pallatet e vjetra e të pikturuara; nga bulevardet e veshur me gërmadha osmane dhe bunkerë të komunizmit të kthyer në vende për të bërë fotografi.

Tirana, kryeqyteti dinamik i vendit!

Tirana është kryeqyteti i Shqipërisë dhe njëkohësisht qendra më e madhe politike, ekonomike dhe kulturore e vendit. Ajo ndodhet në një pozicion mjaft të favorshëm në qendër të vendit e vendosur në një lartësi prej 113 metrash mbi nivelin e detit. Në perëndim deti Adriatik dhe plazhi më i madh dhe popullor i Durrësit janë vetëm 32 km larg, ndërsa në lindje mali i Dajtit 1612 metra i lartë është vetëm 26 km larg.

Si qytet Tirana është relativisht e re. Ajo është themeluar në vitin 1614 nga Sulejman Pashë Bargjini, një feudal vendas i cili në këtë periudhë në vendin ku sot ndodhet monumenti i “Partizanit të Panjohur” ndërtoi një xhami, një hamam dhe një furrë të cilat ishin edhe objektet e para të qytetit të ri. Në vitin 1816 qyteti ra në dorë të familjes së Toptanëve. Ngjarja më e rëndësishme për Tiranën është 11 Shkurti i vitit 1920, kur Kongresi i Lushnjës e shpalli atë kryeqytet provizor të Shqipërisë, statusin definitiv të së cilit Tirana do ta fitonte në 1925. Mbas këtij akti qyteti pati një rritje të vazhdueshme e cila mori hov sidomos pas viteve 90. Qendra e Tiranës është projektuar nga arkitektë të njohur italiane të periudhës së Musolinit. Bulevardi i madh i Tiranës “Dëshmorët e Kombit” është ndërtuar në vitin 1930, ndërsa sheshi qendror “ Skënderbeu” gjatë viteve 1928 -1929. Në vitin 1968 në kuadër të 500 vjetorit të vdekjes së Heroit Kombëtar është vendosur monumenti i tij.

Në vitin 1988 në sheshin “Skënderbeu” u vendos edhe monumenti i diktatorit Stalinist Enver Hoxha, por ai u rrëzua në 20 Shkurt 1991 nga studentët dhe populli i Tiranës. Në Tiranë ndodhen institucione të tilla si Pallati i Kongreseve, Qendra Ndërkombëtare e Kulturës, Pallati i Kulturës me Teatrin e Operas dhe Baletit , Sky-Tower etj., si dhe godinat qeveritare të Presidencës, Parlamentit dhe Këshillit të Ministrave.

Krahas Parkut të madh në jug-lindje të qytetit Tirana ka edhe disa parqe të tjera si ai Rinia, parku pranë Parlamentit, pranë presidencës etj. Tirana është qendra kryesore në Shqipëri për organizmin e konventave, konferencave e seminareve.

http://www.akt.gov.al/al/top-destinations/tirana/

Lexo me shumë

Turistët që vizitojnë Shqipërinë jo vetëm shohin natyrën e saj, por krijojnë emocione të reja, shikojnë përtej maleve dhe plazheve përrallore, por edhe kuptojnë zakonet dhe traditat tona.

Për ne është shumë e rëndësishme të mbajmë një turizëm konstant, është e rëndësishme të mbrojmë komunitetin dhe të respektojmë vlerat e tyre, ndaj kujdesemi të bëjmë një shpërndarje të moderuar dhe të promovojmë destinacionet më me ndikim. Ne besojmë se një destinacion që ka më shumë turistë se vendasit nuk është më një destinacion turistik, është një vend komercial ku gjithçka tjetër lihet për të shkrepur një foto.

Shqipëria është aq e bukur sa nuk mund të jetë thjesht një objekt për t'u fotografuar, Shqipëria duhet ta jetojë dhe ta shijojë atë, turistët duhet të ndjejnë emocionin dhe dashurinë që është në këtë vend.

https://www.discoveralbanianow.com/

https://albania.al/

A e dini?

Laguna e Karavastasë është një nga lagunat më të mëdha në Detin Mesdhe dhe është shtëpia e Pelikanit Dalmat, si dhe mbi 250 specieve të shpendëve, gjitarëve dhe amfibëve. Pesë për qind e popullsisë së pelikanit dalmat në botë gjendet në këtë lagunë.

Nënë Tereza, emri i së cilës ishte Agnesë Gonxhe Bojaxhiu, ishte me origjine shqiptare. Vepra e Nënë Terezës ka frymëzuar gjithë botën dhe Shqipërinë. Emri i Aeroportit ndërkombëtar të Shqipërisë: Aeroporti Ndërkombëtar Nënë Tereza.

Amfiteatri i dytë romak më i madh në Ballkan ndodhet në qytetin port të Shqipërisë, Durrës. I ndërtuar në shekullin II pas Krishtit, teatri mund të mbante deri 20,000 spektatorë, rreth një e gjashta e popullsisë së Durrësit aktualisht.