Rreth Marrëdhënieve Dypalëshe

Marrëdhëniet diplomatike midis Republikës së Shqipërisë dhe Shtetit të Katarit u vendosën më 26 gusht 1992.

Shqipëria hapi ambasadën e saj në Doha në janar të vitit 2011 (ambasadori shqiptar arriti me 13 dhjetor 2010) dhe një vit më pas, në janar 2012, Shteti Katarit hapi ambasadën e tij në Tiranë.

Marrëdhëniet midis dy vëndeve janë të qëndrueshme, të zhvilluar në mënyrë miqësore, në një frymë besimi, respekti e përfitimi reciprok, me gadishmërinë për të bashkëpunuar, ndihmuar dhe mbështetur njëri tjetrin si në planin dypalësh ashtu dhe në atë shumëpalësh.

Angazhimin  pozitiv dhe konstruktiv e konfirmon edhe realizimi i vizitave të niveleve të larta si dhe nënshkrimi i një sërë marrëveshjesh të rëndësishme në mbështetje të institucionalizimit të bashkëpunimit  dhe zhvillimit pozitiv me përfitime të ndërsjella në tregti, ekonomi, siguri, etj.

Vizita të viteve të fundit:

Tetor 2011 – Amiri Sheik Hamad bin Khalifa Al Thani (sot Baba Amir) zhvilloi vizite zyrtare ne Shqiperi.

2012 –  Kryeministri Sali Berisha vizite ne Doha.

9-10 Shkurt 2014 – Ministri  i Punëve të Jashtme, Ditmir Bushati zhvilloi një vizitë pune në Doha.

12-14 Prill 2014 – Kryeministri Z. Edi Rama zhvillon vizitë në Katar.

10-11 Mars 2015 – Presidenti Z.Bujar Nishani zhvillon vizitë në Katar

6-10 Prill 2019 – Kryetari i Kuvendit Z.Gramoz Ruçi zhvillon vizitë në Doha në kuadër të Unionit Ndërparlamentar.

15-17 Prill 2019 – Kryeministri Z. Edi Rama zhvillon vizitë në Katar.

Mars 2022- Sekretari I Pergjithshem i Ministrisese Jashtme te Katarit vizitoi Tiranen.