Më datë 20 prill 2024, në ambjentet e Ambasadës u zhvillua aktiviteti për promovimin e librit të parë poetik, vëllimit me poezi me titull „Këngët e Shekullit Kallkan“, të autores kosovare Iliriane Baraliu-Lladrovci. Morën pjesë diplomatë, përfaqësues të fushës akademike, studentë, përfaqësues të biznesit dhe të komunitetit shqiptar me banim në Sllovaki.

7 mars 2024. 

Nënshkrimi në Bratislavë i Marrëveshjes ndërmjet Fondit Ndërkombëtar të Vishegradit përfaqësuar nga drejtori ekzekutiv z. Petr Mareš dhe Fondit të Ballkanit Perëndimor përfaqësuar nga drejtori ekzekutiv z. Gjergj Murra, si dhe momente nga vizita në Ambasadë e delegacionit të FBP.

21 shkurt 2024. 
Pjesëmarrja e Ambasadorit Z. Arten Hanku, së bashku me grupin e Ambasadorëve të akredituar në Sllovaki, në aktivitetin përkujtimor dhe homazhet kushtuar gazetarit të mirënjohur investigativ Jan Kuciak, aktivitet i organizuar nga Përfaqësia e Komisionit Europian në Sllovaki.