Ministrja për Evropën dhe Punët e Jashtme, Olta Xhaçka, gjatë vizitës së saj në Nju Jork, ka zhvilluar një takim me ekipin shqiptar në Këshillin e Sigurimit të Kombeve të Bashkuara.
Ajo theksoi se Shqipëria ka patur performancë shumë të suksesshme në muajt e parë të mandatit, duke rritur shumë profilin dhe imazhin e vendit tonë në botë.

Pas samitit të NATO-s, Ministrja për Evropën dhe Punët e Jashtme Olta Xhaçka, është nisur për në New York, ku ditën e premte do të marrë pjesë në takimin e nivelit të lartë të Ministrave të Jashtëm, të “Grupit të Miqësisë mbi Përgjegjshmërinë/Llogaridhënien”, referuar agresionit rus në Ukrainë.

Ministrja për Evropën dhe Punët e Jashtme, Znj. Olta Xhaçka, priti sot Perfaqësuesin e Lartë të BE-së për Punët e Jashtme dhe Politikat e Sigurisë dhe Zëvendëspresident i Komisionit Evropian, z. Josep Borrell. Kriza e shkaktuar nga sulmi ushtarak i paligjshëm dhe i pajustifikuar rus mbi Ukrainës dhe përballja e pasojave të saj të gjithanshme, përfshirë në rajonin e Ballkanit Perëndimor, ishte në qendër të bisedës.

Ambasadorja Enkeleda Merkuri priti në ambientet e Përfaqësise Nënkryetaren e Gjykatës Supreme të Republikës së Sllovakisë Znj. Andrea Moravčíková (9 mars 2022). Tema kryesore e takimit ishte vendosja e bashkëpunimit në shkëmbimin e informacionit gjyqësor, diskutimi i zhvillimit aktual të gjyqësorit në të dy vendet, por edhe diskutimi i kushteve për përzgjedhjen e gjyqtarëve apo reforma në drejtësi. Ambasadorja Merkuri dhe Nënkryetarja Moravčíková ndanë mendimin mbi rëndësinë e trajnimit të gjyqtarëve dhe prokurorëve, veçanërisht në të drejtën evropiane.