Ministrja për Evropën dhe Punët e Jashtme, Olta Xhaçka, në një deklaratë për mediat, prezantoi paketën e sanksioneve të ndërmarra nga qeveria shqiptare ndaj Rusisë.
Ministrja Xhaçka theksoi se Shqipëria i është bashkuar paketës së masave shtrënguese të ndërmarra nga BE dhe se aktualisht po punohet për hartimin e bazës ligjore për zbatimin tyre. Sipas saj, këto masa kanë karakter individual dhe ekonomik.

Ministrja për Evropën dhe Punët e Jashtme, Olta Xhaçka, ka folur rreth situatës së krijuar si pasojë e luftës që Rusia ka nisur ndaj Ukrainës, gjatë ndërhyrjes së saj në seancën parlamentare.
Ministrja Xhaçka theksoi se Shqipëria dënon aktin e agresionit rus dhe e konsideron atë jo vetëm një akt kundër Ukrainës, por dhe kundër themeleve të rendit dhe sigurisë ndërkombëtare.
Sipas saj, kjo situatë e paprecedentë i jep peshë rolit të Shqipërisë si anëtar i Këshillit të Sigurimit – organizmit të ngarkuar me ruajtjen e paqes dhe sigurisë ndërkombëtare.

Në vijim të vizitës në Shtetet e Bashkuara të Amerikës, Kryeministri Rama mori pjesë në pritjen e organizuar në New York, me rastin e fillimit të mandatit të Shqipërisë në Këshillin e Sigurimit të OKB-së, një ndër organet më të rëndësishme të Organizatës së Kombeve të Bashkuara, që ka për detyrë mirëmbajtjen e paqes dhe sigurisë në mes kombeve.

Ministrja për Evropën dhe Punët e Jashtme, Olta Xhaçka, ka mbajtur fjalimin e parë në Këshillin e Sigurimit, në takimin për Gratë, Paqja dhe Siguria. 
Ministrja Xhaçka u shpreh se çështja Gratë, Paqja dhe Siguria është prioriteti kryesor i agjendës së Shqipërisë për dy vitet e ardhshme. 
Sipas saj, do të ishte e pafalshme nëse gratë përjashtohen nga përpjekjet që synojnë paqen dhe sigurinë ndërkombëtare.