Ministria e Punëve të Jashtme e Shqipërisë do të lançojë edicionin e dytë të nismës ”Colours of Albania”. “Colours of Albania” është një projekt, i cili këtë vit mbështetet nga kompania celulare “Telekom Albania” dhe do të prezantohet në datën 8 qershor 2016 në prani të Kryeministrit të Shqipërisë dhe Ministri i Punëve të Jashtme të Punëve të Jashtme.

C`farë është “Colours of Albania”!?

Projekti synon mbledhjen e mbi 50.000 fotografive nga postimet “hashtag #coloursofalbania” të qytetarëve shqiptarë anembanë botës me të cilat do të printohet katalogu i ri, e që do të shpërndahet në të gjithë botën përmes përfaqësive shqiptare diplomatike. Ky konkurs fotografik do të shpërndahet në të gjitha rrjetet sociale, web, facebook, twiter, instagram. Kjo iniciativë ka si synim prezantimin e imazhit të Shqipërisë, përmes fotografive, duke përcjelle anë e mbanë botës ngjyrat e vërteta të Shqipërisë, qytetet dhe fshatrat mahnitëse si dhe bregdetet dhe peisazhet e paprekura, si dhe pazaret dhe kështjellat historike të Shqipërisë.

Konkursi

Tema e konkursit është e lirë duke përfshirë këtu bashkëjetesën fetare, shoqërinë shqiptare, artin dhe kulturën. Çdo javë do të postohet në rrjetet sociale instagram, facebook, twitter, në faqet e internetit të rrjetit celular “Telecom Albania”, Minsitrisë së Punëve të Jashtme, Përfaqësive Diplomatike anë e mbanë botës. Promovimi i “Colours of Albania” do të nisë në datën 27 maj 2016 dhe do të zgjasë deri ne 31 korrik 2016.