Shërbime të Ambasadës

Për shërbimet konsullore në përfaqësinë diplomatike të Republikës së Shqipërisë në Bratislavë, lutemi të mbani parasysh:

Të gjitha veprimet konsullore në Ambasada kryhen nëpërmjet shërbimit postar. Për këtë, së bashku me dokumentacionin që do të postohet, duhet gjithashtu të përfshini dhe një zarf bosh me pullë dhe adresën e dërguesit. Kjo do të mundësojë kthimin e dokumenteve tek i interesuari, nëse aplikimi do të kthehet për plotësim.

Përjashtohen nga ky rregull shërbimet, për të cilat, aktet normative në fuqi kërkojnë paraqitjen fizike të vetë personit të interesuar:

- Lejet e kalimit

- Prokurat

- Aplikimet për vizë

- Përgatitja e dosjes me dokumente të shtetësisë

Shtetasit, të cilët kërkojnë një shërbim të caktuar konsullor, duhet të paraqesin të gjitha dokumentet që kërkohen për atë veprim. Atyre duhet u bashkëlidhet lista e dokumenteve të përcjella së bashku me mandat pagesën  për shërbimin e kërkuar.

Pagesat për të gjitha shërbimet  konsullore, pa asnjë përjashtim   do të kryhen vetëm nëpërmjet sistemit bankar.

Në bazë të ligjit 8977, dt. 12.12.2002, Për sistemin e taksave në RSH”, tarifat për shërbimet konsullore janë si më poshtë:

Tarifat për lëshimin e dokumenteve të udhëtimit:

1. Lejekalimi lëshuar nga përfaqësitë ......... 30 Euro

II. Tarifat për lëshimin dhe përpilimin e akteve të tjera noteriale dhe përkthimin e dokumenteve nga përfaqësitë .

1. Përpilimi i deklaratave, autorizimeve, testamenteve, garancive dhe prokurave të posaçme…........20 Euro/faqe.
2. Vërtetimi i dublikatave dhe kopjeve ............................................................................... 20 Euro/faqe.

Pagesat kryhen në monedhën EURO, në llogarinë bankare të Ambasadës së Republikës së Shqipërisë në Sllovaki:

VUB BANKA

Llog. Bankare no.  2852704656

Kodi I bankës no.  0200

Informacion të detajuar për shërbimet e tjera konsullore shikoni në:

http://www.punetejashtme.gov.al/al/sherbime/sherbime-per-shqiptaret

Mbi marrjen ose lënien e shtetësisë shqiptare:

Personi që ka marrë premtimin e autoritetit përkatës nga shteti pritës për fitimin e shtetësisë tjetër, aplikon për heqjen dorë nga shtetësia shqiptare.

Në këtë rast, Ambasada ndihmon shtetasit me konsulencë në përgatitjen e dokumentacionit të nevojshëm, si dhe për procedurat që duhet të ndiqen për përkthimin dhe legalizimin e tyre, etj.

Për informacion më të gjerë dhe njohje mbi kuadrin ligjor në këtë rast,  shikoni në:

http://www.president.al/shqip/rubrika.asp?r=Dekrete/Shtetesi

Në vëmëndje:

Në bazë të Konventës së Hagës “Për heqjen e detyrimit të legalizimit të dokumenteve zyrtare të huaja” të 5 tetorit 1961, e njohur ndryshe si ”Konventa e Apostiles”, dokumentat pajisen me një vulë Apostille nga autoriteti kompetent i vendit ku janë lëshuar dhe më pas mund të përdoren direkt sipas interesimit të shtetasit në institucionet përkatës (zyrat e gjendjes civile, gjykatë, institucion arsimor, etj.) të vendit pritës. Në Shqipëri, autoriteti kompetent për problemet e legalizimit të dokumenteve është Ministria e Punëve të Jashtme.

Kjo do të thotë që dokumentet e lëshuara nga institucionet shqiptare me synim përdorimi në Sllovaki, nuk legalizohen nga Ambasada, por pranë Ministrisë së Punëve të Jashtme në Tiranë.

Gjithashtu, dokumentet e lëshura nga institucionet Sllovake dhe synohen të përdoren në Shqipëri, marrin vulën Apostile pranë Ministrisë së Jashtme dhe Evropiane të Republikës Sllovake.

Për më shumë informacion, shikoni në:

http://www.foreign.gov.sk/en/consular_info/authentication_of_documents