Articles

Intervistë e Kryenegociatorit për negociatat e anëtarësimit të Shqipërisë në BE, Zef Mazi, për gazetën Delo

Albanian

Në datën 19 tetor, gazeta Delo ka botuar intervistën e Zef Mazit, Kryenegociator i negociatave për anëtarësimin e Shqipërisë në BE. Mazi thekson se e ardhmja është një hapësirë e përbashkët evropiane, duke përfshirë Ballkanin Perëndimor. Gazeta nënvizon se Kryenegociatori shqiptar Mazi është një nga diplomatët që besojnë në zgjerimin e BE-së dhe idenë evropiane. Sipas tij, Shqipëria, që është kandidate zyrtare për anëtarësim në BE prej vitesh, ashtu si edhe Sllovenia, do të ketë shumë përfitime pas anëtarësimit të plotë në Bashkimin Evropian.

Sllovenia-mbështetëse e fortë dhe e qëndrueshme në rrugëtimin evropian të Shqipërisë

Albanian

Në datat 14 dhe15 tetor 2020, Zef Mazi, Kryenegociator i Shqipërisë për negociatat e anëtarësimit me BE-në zhvilloi një vizitë të frytshme pune në Slloveni. Gjatë qëndrimit në Ljubjanë, Kryenegociatori Mazi zhvilloi takime pune në Ministrinë e Punëve të Jashtme, me Sekretarin e Shtetit, Gašper Dovžan dhe ish Kryenegociatorin slloven Andrej Engelman.

Ambasadori Pëllumb Qazimi pritet në takim nga Presidenti i Asamblesë Kombëtare të Sllovenisë

Albanian

Në datën 13 tetor, ambasadori Pëllumb Qazimi u prit në takim nga Igor Zorčič, President i Asamblesë Kombëtare të Sllovenisë. Ambasadori Qazimi përcolli përshëndetjet e Kryetarit të Kuvendit të Shqipërisë, prezantoi progresin e Shqipërisë sipas fushave për të filluar bisedimet e anëtarësimit në BE, si dhe shprehu falënderime për mbështetjen e vazhdueshme të Sllovenisë në rrugëtimin evropian të Shqipërisë.

Ambasadori Pëllumb Qazimi takohet me Janez Fajfar, kryetar i Bashkisë Bled

Albanian

Në datën 9 tetor, ambasadori Pëllumb Qazimi është pritur në takim nga Janez Fajfar, kryetar i Bashkisë Bled. Bledi është një ndër mrekullitë turistike të Sllovenisë, që ajo krenohet në botë. Bashkëpunimi i mëparshëm i Bashkisë Bled me Ambasadën e Shqipërisë ka qenë i afërt, por takimi i fundit veçohet pasi bëhet fjalë për projekte konkrete dypalëshe. Gjatë takimit është diskutuar për forcimin e bashkëpunimit në nivelin e pushtetit vendor dhe për integrimin sa më të mirë të komunitetit shqiptar me banim në Bled.

Ambasadori Pëllumb Qazimi takohet me Gašper Dovžan, sekretar shteti në Ministrinë e Punëve të Jashtme të Sllovenisë

Albanian

Në datën 2 tetor, ambasadori Pëllumb Qazimi është pritur në takim nga Z. Gašper Dovžan, sekretar shteti në Ministrinë e Punëve të Jashtme të Sllovenisë. Ambasadori Qazimi ka shprehur falënderime e mirënjohje për mbështetjen e vazhdueshme e të qëndrueshme të Sllovenisë ndaj Shqipërisë në rrugëtimin e saj integrues në BE. Ndërsa Z.

Ambasadori Pëllumb Qazimi merr pjesë në veprimtaritë e 50 vjetorit të Organizatës Ndërkombëtare të Frankofonisë

Albanian

Ambasadori Pëllumb Qazimi, në datat 22 dhe 23 shtator ishte pjesëmarrës në dy veprimtari kushtuar 50 vjetorit të Organizatës Ndërkombëtare të Frankofonisë. Në ngjarjen e datës 23 shtator të pranishmit i përshëndeti Ministri i Jashtëm i Sllovenisë Anže Logar. Po ashtu, pjesëmarrësit u përshëndetën edhe nga ambasadorët e Francës dhe Zvicrës, në cilësinë e organzatorëve.

Ambasadori Pëllumb Qazimi merr pjesë në hapjen e ekspozitës kushtuar industrisë së robotëve në Slloveni

Albanian

Në datën 18 shtator, ambasadori Pëllumb Qazimi ishte i pranishëm në ceremoninë e hapjes të ekspozitës të industrisë së robotëve, organizuar në Muzeun Teknik të Sllovenisë, në Bistra. Para hapjes të ekspozitës pjesëmarrësit i përshëndeti Presidenti i Sllovenisë, Borut Pahor. Ekspozita i kushtohet dy jubileve të rëndësishëm, 100 vjetorit të dokumentit të parë të shkrojtur në botë për robotin dhe 40 vjetorit të hyrjes në përdorim të robotit të parë në industrinë sllovene.

Ambasadori Pëllumb Qazimi pret në takim ambasadorin e ri të Gjermanisë Adrian Pollmann

Albanian

Në datën 14 shtator, ambasadori Pëllumb Qazimi ka pritur në takim prezantues ambasadorin e ri të Gjermanisë në Slloveni, Adrian Pollmann. Gjatë takimit janë shkëmbyer mendime e vlerësime për tema të ndryshme duke veçuar proçesin e integrimit evropian të Shqipërisë dhe fillimin e negociatave të anëtarësimit, ndërkohë që Gjermania ka presidencën e Këshillit të BE-së. Bashkëbiseduesit kanë trajtuar gjithashtu marrëdhëniet dypalëshe Shqipëri-Gjermani, zhvillimet në vendet e Ballkanit Perëndimor dhe perspektiva e tyre euroatlantike, etj.

Ambasadori Pëllumb Qazimi merr pjesë në ceremoninë e 440 vjetorit të “Lipica Stud Farm”

Albanian

Në datën 13 shtator, ambasadori Pëllumb Qazimi ishte i pranishëm në ceremoninë e 440 vjetorit të »Lipica Stud Farm«. Për të shënuar këtë jubile të 440 viteve të bukurisë, traditës, përvojës, respektit të ndërsjelltë dhe bashkëekzistencës me kuajt e bardhë të Lipicës, shkolla e kësaj qendre prezantoi përmes një ngjarjeje gala arritjet e saj. Pjesëmarrësit, ndër ta edhe trupi diplomatik, i përshëndeti edhe Borut Pahor, President i Republikës së Sllovenisë.

Ministria e Punëve të Jashtme të Sllovenisë në datën 12 shtator organizoi eskursion me drejtuesit e misioneve diplomatike

Albanian

Në datën 12 shtator, me ftesë të Ministrit të Punëve të Jashtme Anže Logar, u organizua eskursion me drejtuesit e misioneve diplomatike, akredituar në Republikën e Sllovenisë. Kësaj radhe pjesëmarrësit u njohën më nga afër me vlerat historike, kulturore, por edhe të biznesit në zonën e Vipavës. Vendet e vizituara ishin Štanjel, Vipavški Križ dhe Ajdovčina. Pjesëmarrësit u pritën dhe u përshëndetën nga ministri Logar, i cili qëndroi me pjesëmarrësit gjatë gjithë veprimtarisë. Në këtë ngjarje ishte i pranishëm edhe ambasadori Pëllumb Qazimi me bashkëshorten.

Pages

Postal Address

Embasy of Albania
Tavčarjeva ulica 10
1000 Ljubljana
Slovenia

Tel / Fax

Tel. +38615473650
Fax +38615473652
Nr. emergjence
+38631240760

E-MAIL

embassy.ljubljana@mfa.gov.al

OPENING TIMES

Monday to Friday
08:00 - 16:00