Në datën 22 nëntor, vizitore në Ambasadë ishte Shpresa Rupar, nga Tepelena, prej vitesh banuese në Slloveni. Ishte kënaqësi bashkëbisedimi me të, si dhe shkëmbimi i mendimeve për përfshirje të saj në projekte promovuese të Ambasadës. Përvoja e saj si intelektuale dhe në fushën shoqërore janë shumë të mirëpritura.

Në datën 18 nëntor, ambasadori Pëllumb Qazimi është pritur në takim nga Mitja Močnik, drejtor për Zgjerimin dhe EJL në Ministrinë e Punëve të Jashtme të Sllovenisë. Temat kyresore të diskutuara kanë qenë ndjesitë dhe pritshmëritë e Shqipërisë në rrugëtimin evropian dhe hapjen e bisedimeve të anëtarësimit, bashkëpunimi dypalësh, sidomos në aspektin ekonomik, shkëmbimeve tregtare dhe investimeve direkte, zhvillimet në rajon, etj.

Në datat 12-15 nëntor, Ministria e Punëve të Jashtme të Sllovenisë së bashku me Unionin Mesdhetar dhe Agjensinë Gjermane të Bashkëpunimit Ndërkombëtar, GIZ, po organizojnë "Creative Forum Ljubljana". Ministri i Punëve të Jashtme të Sllovenisë, Miro Cerar, ka theksuar rëndësinë e rolin që luan kultura në marrëdhëniet ndërkombëtare dhe në veçanti për politikën e jashtme të Sllovenisë.

Në datën 8 nëntor, ambasadori Pëllumb Qazimi priti në takim Lynda C. Blanchard, ambasadore e SHBA-e në Slloveni. Gjatë takimit, përmes një diskutimi të hapur dhe përmbajtësor janë trajtuar marrëdhëniet shumë të mira dypalëshe ndërmjet Shqipërisë dhe SHBA-ve, zhvillimet në rajon e më gjerë, si dhe çështje të tjera. Ambasadorja ka nënvizuar zhgënjimin e SHBA-ve për mos marrjen e vendimit të hapjes të bisedimeve të anëtarësimit në BE për Shqipërinë dhe Maqedoninë e Veriut.