Trupi diplomatik organizoi pritje me rastin e 30 vjetorit të Pavarësisë së Sllovenisë dhe Presidencës së dytë sllovene të Këshillit të BE-së.
 
Të ftuar nderi ishin autoritetet e larta sllovene, Presidenti i Republikës, Presidenti i Asamblesë Kombëtare, Presidenti i Këshillit Kombëtar dhe Ministri i Punëve të Jashtme.
 
Pas fjalës së hapjes të Nuncit Apostolik në Slloveni, të pranishmit i përshëndeti presidenti Borut Pahor. Ai bëri thirrje për forcimin e unitetit të BE-së, duke veçuar ndër të tjera integrimin sa më të shpejtë për vendet e Ballkanit Perëndimor.

Në mbrëmjen e datës 29 tetor, në Krško, u kremtua Dita e Reformimit të Sllovenisë, me praninë edhe të autoriteteve të larta, Presidentit, Kryeministrit dhe Presidentit të Këshillit të Shtetit.
 
Në mesin e shekullit të 16-të u shkruajt libri i parë në gjuhën letrare sllovene, duke i hapur rrugë konsolidimit gjuhësor, identitetit kulturor dhe atij kombëtar.
 
Të sillet në vëmendje se gati në të njëjtën periudhë është shkruar edhe libri i parë në gjuhën shqipe, "Meshari" i Gjon Buzukut (1555). Në këtë ngjarje ishte i pranishëm edhe ambasadori Pëllumb Qazimi.

U kremtua në Slovenj Gradec 76 vjetori i Kombeve të Bashkuara dhe 30 vjetori i Pavarësisë së Sllovenisë.
 
Ceremonia u zhvillua në Slovenj Gradec, qytet slloven i shpallur Qytet Lajmëtar i Paqes i Kombeve të Bashkuara para 32 viteve. Ndërsa Sllovenia u bë anëtare e OKB-së në vitin 1992.
 
Pjesëmarrësit në ceremoni i përshëndeti Presidenti i Republikës së Sllovenisë Borut Pahor, i cili vuri theksin te multilateralizmi, solidariteti e bashkëpunimi.
 

Banka e Sllovenisë kremtoi 30 vjetorin e krijimit të saj. 
 
Krijimi i bankës “Banka Slovenije” daton më 25 qershor 1991, ditën kur Sllovenia u deklarua shtet i pavarur.
 
Ceremoninë e përshëndeti edhe presidenti i Sllovenisë, Borut Pahor. Në këtë ngjarje ishte i pranishëm edhe ambasadori Pëllumb Qazimi