Në datën 16 korrik, ambasadori Pëllumb Qazimi ka zhvilluar takim me Iztok Grmek, drejtor i përgjithshëm në detyrë në Ministrinë e Punëve të Jashtme të Sllovenisë për diplomacinë publike dhe ekonomike. Gjatë takimit u shkëmbyen mendime e vlerësime për bashkëpunimin ekonomik e tregtar ndërmjet dy vendeve, si dhe për investimet reciproke. U nda i njëjti qëndrim se pavarësisht kushteve të krijuara nga pandemia e Covid-19, ka hapësira e mundësi për rezultate konkrete. Bashkëbiseduesit u përqëndruan edhe në sektorë e kompani të veçanta për konkretizimin e bashkëpunimit. Gjatë bashkëbisedimit gjithashtu u shkëmbyen përvoja dhe qasje të reja të ushtrimit të diplomacisë ekonomike në kushtet e/dhe pas pandemisë. Njëherazi, u përcaktuan edhe projekte të vazhdimit të bashkëpunimit ndërmjet diplomacive ekonomike të dy vendeve.