Ministri i Punëve të Jashtme të Sllovenisë, Anže Logar, në datën 11 shtator, në një nga njësitë ushtarake në Lubjanë, organizoi takim pune me ambasadorët e vendeve anëtare të NATO-s, akredituar në Slloveni. Ai shoqërohej nga sekretar shteti ne Ministrinë e Mbrojtjes dhe shefi i shtabit të përgjithshëm të Forcave të Armatosura të Sllovennisë. Ministri Logar prezantoi për të pranishmit vizionin dhe planet e qeverisë sllovene për sigurinë e mbrojtjen, si dhe për përmbushjen e angazhimeve si vend anëtar i Aleancës së NATO-s. Po ashtu, ai ka theksuar rëndësinë e vlerave të përbashkëta të lidhjeve transatlantike, si një nga prioritetet e qeverisë.

Më parë për ambasadorët u realizua prezantim i prodhimeve të disa kompanive sllovene të industrisë së mbrojtjes. Mandej ministri Logar shtroi drekë pune për të pranishmit, duke vazhduar bashkëbisedimin me ambasadorët. Në veprimtari ishte i pranishëm edhe ambasadori Pëllumb Qazimi.