Shqip
English
Ambasadori Pëllumb Qazimi mori pjesë në sesionin e 46-të të Bordit Këshillues të ITF-Enhancing Human Security, i cili u zhvillua nën drejtimin e Tomaž Lovrenčič, drejtor i kësaj organizate ndërkombëtare.
Në këtë sesion, të cilin e përshëndeti edhe Ministri i Jashtëm slloven Anže Logar, u prezantua raporti vjetor për vitin 2020, si dhe u diskutuan projektet e parashikuara për vitin 2021.
Ambasadori Pëllumb Qazimi në fjalën e tij falënderoi drejtuesit e ITF për projektet e realizuara në rajone të ndryshme të botës në fushën e sigurisë njerëzore, solli në vëmendje bashkëpunimin e ITF me Ministrinë e Mbrojtjes së Shqipërisë dhe uroi që dy projektet e parashikuara për vitin 2021 me Shqipërinë të mbulohen financiarisht.
