
Në kuadër të promovimit të imazhit të Shqipërisë në botë, u prit në Ambasadë Jana Božič, një qytetare sllovene e apasionuar pas kulturës, traditës dhe bukurive të vendit tonë.
Jana ka pasion udhëtimet, por edhe pse ka vizituar një numër të konsiderueshëm shtetesh, prezantimin e saj në klasat e fëmijëve do t’ja kushtojë Shqipërisë, prej mbresave që ka pasi ka vizituar vendin tonë dy herë.
Për ta bërë prezantimin e saj sa më interesant dhe të larmishëm Ambasada i erdhi në ndihmë me materiale promovuese nga Shqipëria.