Në datën 6 nëntor ambasadori Pëllumb Qazimi vizitoi Qendrën për Bashkëpunim Ndërkombëtar dhe Zhvillim në Lubjanë (CMSR), ku u takua me drejtorin e saj, Gašper Jež. Qendra është organizatë qeveritare, e cila zbaton projekte zhvillimore kryesisht në vendet e Ballkanit Perendimor. Vitet e fundit janë në zhvillim e sipër disa projekte në Shqipëri, të cilat janë lehtësuar edhe falë hapjes të zyrës në Tiranë. Projektet në Shqipëri financohen nga fondi i qeverisë sllovene për zhvillim dhe përfshijnë fushat e sigurisë ushqimore, menaxhimit të ujrave, mjedisit, etj.