Shqip
English
Në mjediset e Qendrës Kulturore të Hebrenjve në Lubjanë në datën 28 janar me praninë e autoriteteve të vendit, trupit diplomatik dhe anëtarëve të kësaj qendre u organizuan një numër aktivitetesh kushtuar Ditës Ndërkombëtare të Kujtesës të Holokaustit. Fillimisht të pranishmit vizituan ekspozitën “No Child-s Play/Fëmijët gjatë Holokaustit” dhe më tej ndoqën prezantimin e një botimi kushtuar hebrenjve të Sllovenisë. Mandej grup fëmijësh interpretuan këngë kushtuar kësaj ngjarje. Veprimtaria e radhës ishte sjellja në skenë nga një grup nga Izraeli i fatit të një vajze të shpëtuar në Poloni gjatë Luftës së Dytë Botërore, e cila në fund të shfaqjes doli para të pranishmëve duke treguar historinë e jetës së saj.
Ambasadori Pëllumb Qazimi ishte i pranishëm në këtë ngarje, bashkëbisedoi me të pranishëm duke sjellë në vëmendje kujdesin e mbrojtjen që shqiptarët u ofruan hebrenjve në Shqipëri, duke prezantuar një rast të pashembullt. Gjithashtu ambasadori i dhuroi ambasadorit të shtetit të Izraelit, Sh.T. Z. Shmuel Meirom, librin e autorit Shaban Sinani “Albanians and Jews, The Protection and Salvation”.
