Në datën 19 shkurt ambasadori Pëllumb Qazimi zhvilloi takim me ambasadorin Franc But, Drejtues i Departamentit te Bashkepunimit Ekonomik në Ministrinë e Punëve të Jashtme të Sllovenisë. Bashkëbiseduesit ndanë të njëjtin qëndrim se është momenti për një qasje të re ndaj bashkëpunimit ekonomik dypalësh. Disa forma tradicionale të komunikimit në aspektin e bashkëpunimit ekonomik duket se nuk kanë dhënë frytet e pritshme. Prandaj është e nevojshme për zbatim formash të reja të informimit dypalësh, prezantimit të klimës të bisnesit në të dy vendet dhe inkurajimit të subjekteve private e bisneseve për komunikim e veprim.

Në një periudhë të afërt do të organizohen disa veprimtari promovuese në aspektin e bashkëpunimit ekonomik dhe të turizmit. Ndërkohë, të dy palët do të aktualizojnë hapat afatshkurtër e afatmesëm, përfshi takimin e ardhshëm të Komisionit të Përbashkët Ekonomik.