Ambasadori Pëllumb Qazimi merr pjesë në takimin informues, organizuar nga Ministria e Punëve të Jashtme të Sllovenisë

Në datën 24 gusht, në Brdo, Ministria e Punëve të Jashtme të Sllovenisë organizoi takim informues me drejtuesit e Misioneve Diplomatike. Tone Kajzer, sekretar shteti në MPJ informoi pjesëmarrësit lidhur me vizitën e sekretarit amerikan të Shtetit, Mike Pompeo në Slloveni, prioritetet e politikës së jashtme sllovene, për Forumin Strategjik të Bledit, i cili organizohet në datën 31 gusht dhe për çështje të tjera të politikës së jashtme. Në takim ishte i pranishëm edhe ambasadori Pëllumb Qazimi.