Shqip
English
Në mbrëmjen e datës 16 prill, në Lubjanë, në kuadrin e projektit "Balkan Open Jam", nga grupi i Jelena Soro u zhvillua koncert me këngë shqiptare. Koncerti u ndoq nga një numër i madh dashamirësish të muzikës. Ky grup edhe më parë ka interpretuar këngë shqiptare, ashtu sikundër edhe nga vende të tjera të Ballkanit, duke dhënë shembullin më të mirë të diversitetit kulturor e të respektit të ndërsjelltë ndërmjet popujve të rajonit. Në këtë ngjarje ishin të pranishëm edhe përfaqësues të Ambasadës së Shqipërisë. Pjesëmarrja ishte edhe falë kontributit të Dino Murtezani, i apasionuar pas muzikës dhe promovues i përhershëm i këngës dhe kulturës shqiptare.
