Kjo zyrë, e drejtuar nga z. Sokol Cili, përfaqëson një hap domethënës në krijimin e më shumë mundësive, partneriteteve dhe sigurisë për bizneset në procesin e tyre të zgjerimit, duke kontribuar në forcimin e lidhjeve mes Zvicrës dhe tregjeve globale, përfshirë dhe Shqipërinë.

Në fjalën e tij, Ambasadori Dredha vlerësoi këtë iniciativë si një shembull konkret të angazhimit dhe vizionit të profesionistëve shqiptarë në diasporë, të cilët me punën e tyre po ndërtojnë ura bashkëpunimi dhe zhvillimi ekonomik ndërkombëtar.

Ambasada në Bernë mbështet dhe inkurajon iniciativa të tilla, të cilat promovojnë sipërmarrjen, inovacionin dhe bashkëpunimin ekonomik.