Shqip
English
Më datë 31.08.2023, në Ambasadën e Republikës së Shqipërisë në Bernë, Ambasadori I.Gjoni, priti Kryesinë e Shoqatës së Rrjetit të Bizneseve të Diasporës Shqiptare në Zvicër (RRBDSHZ), zoterinjtë Qamil Isufi, Kryetar, Rexhep Berisha Nënkryetar dhe Nazmi Jakurti Këshilltar Juridik.
Me rastin e përfundimit të misionit të Ambasadorit I.Gjoni në Konfederatën e Zvicrës dhe Principatën e Lihtenshteinit, RRBDSHZ, i akordoi z.Gjoni një Mirënjohje “Për kontributin e çmuar në përkrahjen e vazhdueshme të Rrjetit të Bizneseve të Diasporës Shqiptare (RRBDSHZ), ngritjen në një nivel më të lartë të shoqërisë shqiptare dhe bizneseve shqiptare në Zvicër”.
Ambasadori Gjoni, duke i falenderuar për këtë vlerësim, shprehu konsideratën e tij për gjithë komunitetin e bizneseve shqiptare anetare të kësaj shoqate. Po ashtu shprehu një vlerësim të veçantë për unifikimin e dy shoqatave të bizneseve shqiptare në Zvicër.
