Shqip
English
Më datën 16 korrik 2024, Ambasadorja Blerta Kadzadej u prit në një takim në Parlamentin turk, nga Kryetari i Parlamentit, z. Numan Kurtulmuş. Në takim u diskutua për çështje të rëndësishme të interesit të përbashkët, bashkëpunimin ndërparlamentar, ekonomik e tregtar dhe në fushën e politikës së jashtme, si dhe u këmbyen pikëpamje rreth zhvillimeve të fundit rajonale dhe aktualiteteve në skenën ndërkombëtare.
Po ashtu biseda u fokusua në marëdhëniet e veçanta dhe miqësore, që karakterizojnë dy vendet tona, dhe u shpreh vullneti i dyanshëm për t’i intensifikuar ato në të gjitha fushat e mundshme të bashkëpunimit.
Ambasadorja Kadzadej vlerësoi lart dhe shprehu mirënjohje për mbështetjen e vazhdueshme që Turqia i ka dhënë vendit tonë në momente të vështira.
Ndërsa, kryetari i parlamentit turk, ritheksoi gatishmërinë për fuqizimin e raporteve të ndërsjella, si dhe vazhdimin e mbështetjes së shtetit të tij ndaj Republikës së Shipërisë.
