Shqip
English
Më 11 dhjetor, Ambasadorja e emëruar e Republikës së Shqipërisë në Republikën e Bullgarisë Inid Milo, i dorëzoi kopjet e letrave kredenciale Zëvendësministres së Punëve të Jashtme të Bullgarisë, Irena Dimitrova.
Në takimin me Zëvendësministren, Ambasadorja Milo diskutoi për dinamikën e marrëdhënieve dypalëshe mes Shqipërisë dhe Bullgarisë dhe shprehu gatishmërinë për intensifikimin e bashkëpunimit në të gjitha fushat me interes të përbashkët.
Zëvendësministrja Dimitrova përsëriti mbështetjen e Bullgarisë për Shqiperine veçanërisht në drejtim të avancimit të procesit të integrimit të Shqipërisë në BE. Irena Dimitrova i uroi ambasadores Milo një mandat të suksesshëm në Bullgari dhe konfirmoi gatishmërinë e saj për bashkëpunim aktiv në të ardhmen.
