Ambasadori Muça ka zhvilluar një takim me znj. Julie Dabrusin, anëtare e parlamentit dhe kryetare e Grupit Parlamentar të Miqësisë Kanada-Shqipëri, me kontribut të çmuar e të vazhdueshëm për promovimin e vendit tonë në Kanada, si edhe për forcimin e marrëdhënieve dhe lidhjeve ndërmjet dy vendeve.

Ai e ka uruar për zgjedhjen për të tretën herë radhazi si anëtare e parlamentit. Krahas konfirmimit të vazhdimit të rolit të saj si kryetare e Grupit Parlamentar të Miqësisë Kanada-Shqipëri, bashkëbisedesit janë fokusuar në disa tema me interes përfshirë riaktivizimin e këtij grupi me fillimin së shpejti të Legjislaturës së re, avancimin e bashkëpunimit në rrafshin e diplomacisë parlamentare dhe jo vetëm, si edhe vijimin e nxitjes dhe mbështetjes për çështje me rëndësi të posaçme për komunitetin shqiptaro-kanadez.

Ata kanë vizituar bashkërisht një biznes familjar ndër anëtarët e këtij komuniteti.