Banka e Shqipërisë ka shpallur të hapur konkursin vjetor “Çmimi i Guvernatorit për Diplomën më të Mirë 2026”, i cili u dedikohet studentëve shqiptarë të diplomuar brenda dhe jashtë vendit gjatë periudhës tetor 2025 – tetor 2026.

Në kuadër të këtij konkursi, ftohen studentët shqiptarë të paraqesin temat e tyre të diplomës në fusha që lidhen me ekonominë dhe financën, përfshirë:

• ekonomiksin monetar dhe ndërkombëtar;
• stabilitetin financiar;
• integrimin ekonomik të vendeve të Ballkanit në Bashkimin Evropian;
• politikën monetare dhe politikat makroprudenciale të Bankës së Shqipërisë;
• politikat fiskale dhe rolin e tyre në ekonomi;
• sistemin bankar shqiptar;
• sjelljen e individëve dhe firmave në Shqipëri;
• si dhe çështje të tjera të ekonomisë në përgjithësi.

Temat konkurruese do të vlerësohen nga një komision i posaçëm shkencor pranë Bankës së Shqipërisë, i cili do të përzgjedhë punimet fituese bazuar në cilësinë shkencore, origjinalitetin dhe rëndësinë e gjetjeve të tyre.

Çmimet për fituesit janë:

• Çmimi i parë: 250.000 lekë
• Çmimi i dytë: 200.000 lekë
• Çmimi i tretë: 150.000 lekë

Aplikimet duhet të dorëzohen në format elektronik (PDF) në adresën e e-mail-it: public@bankofalbania.org

Dokumentacioni i nevojshëm për aplikim përfshin:

• letër interesi për pjesëmarrje në konkurs;
• Curriculum Vitae;
• abstraktin dhe një përmbledhje të gjetjeve kryesore;
• emrin e udhëheqësit të temës dhe universitetin/fakultetin përkatës;
• versionin e plotë të temës së diplomës.

Njoftimi i plotë mund të lexohet në faqen zyrtare të Bankës së Shqipërisë:

https://www.bankofalbania.org/Shtypi/Njoftimet_per_shtyp/Cmimi_i_Guvernatorit_p_e_r_Diplom_e_n_m_e_t_e_Mir_e_p_e_r_vitin_2026.html

Afati i fundit për dorëzimin e dokumenteve është 31 tetor 2026.